පර්වත මාලිගාවේ අබිරහස - Parwatha Maligawe Abirahasa

“දෙවියනේ” ගැටිය මත නිහඬව හිදගෙන බ්‍රොක් කල්පනා කළේය. “කවුරු හරි එනවා. අඩුම තරමින් දෙන්නෙක්වත්, ඒත් කොහෙන්ද ඒ මිනිස්සුගේ සද්දෙ ඇහෙන්නේ?” බ්‍රොක්ට ඔහුගේ කටහඬ ඇසුණත් ඔවුන් පවසන්නේ මොනවාද යන්න පැහැදිලිව ඇසුණේ නැත. ක්‍රමයෙන් වඩ වඩාත් උස්ව ඇසුණු ඒ කටහඬ පැමිණියේ රහස් මාර්ගය දෙස සිටය. “දෙවියෝ සාක්කි රහස් මාර්ගය දිගේ කවුරු හරි එනවා”බ්‍රොක් ගේ සිතට බියක් දැනිණි. “ඒ මිනිස්සු වෙන්නැති. පුළුවන් තරම් ඉක්මනට මේ ගල් පුවරුවෙන් මෙතැන වහලා දාන්න ඕනෙ.”